Nagpirma ti katulagan ti Social Security System (SSS) ken Department of Information and Communications Technology (DICT) tapno palawaen ti social security coverage para kadagiti virtual assistants (VA) ken freelancers.
Basar iti Social Security System (SSS), mapatta-patta nga adda 1.5 million ti virtual assistance ken freelancers iti pagilian.
Mainaig iti daytoy, awan ti legal protections para kadagiti virtual assistants gapu ta saan a karaman iti aniaman a kategoria ti gobierno ti trabaho iti pagilian.
Babaen ti katulagan, magutigot dagiti virtual assistants ken freelancers nga agrehistro kas self-employed SSS members tapno eligible dagitoy ti sickness, maternity, disability, retirement, funeral, ken death benefits.
Kabayatanna, inbatad ti Social Security System (SSS) President ken Chief Executive Officer Victor Alfonso Limlingan a napateg ken dumurdur-as a paset iti workforce dagiti freelancers kan virtual assistants ken babaen ti panangikabil kadagitoy iti SSS coverage, maipasigurado a ma-access-da ti kapada a proteksion ken benepisio dagiti dadduma a mangmangged.
