Inbatad ti Philippine Institute of Volcanology and Seismology wenno PHILVOLCS a posible a maaddaan ti kabaroan a panagbettak wenno explosive eruption ti Bulkan Mayon iti Albay.
Segun ken ni PHILVOLCS Mayon Observatory Resident Volcanologist Doreen Abelinde, agtultuloy nga agmagmaga ti sumagmamano a paset ti bulkan basar iti panagtingitingda.
Nakairekord pay ti nangato a sulfur dioxide emission ti ahensia ti nalawag a nangipakita ti presensia ti magma iti narabaw a paset ti Mayon.
Inlawlawag met ti opisial a baro ti agdama a tignay ti bulkan isu nga saan pay maamoan usar dagiti instrument ken kurang pay kadagiti senyales wenno precursor sakbay nga agbettak.
Innayon pay ni Abelinde a ti napasamak nga effusive eruption iti kallabes ket ad-adda a nakapuy kumparar iti explosive eruption nga ad-adda a narangaas ti intunda a panag-alburuto.
Gapu iti kabaroan nga aktibidad, inngaton ti lebel ti bulkan iti Alert Level 3 kabayatan nga inbilin ti panagbakwit dagiti residente iti uneg ti 6-kilometer permanent danger zone.
Nagballaag pay dagiti otoridad kadagiti kabangibang a komunidad mainaig iti nakaro a pangta ti ashfall, rockfall events ken dagiti napeggad a pyroclastic density currents.
