LAOAG CITY – Balligi a naisalakan ti Philippine Coast Guard (PCG) dagiti walo a tripulante ti maysa a motorisado a balsa kalpasan daytoy a limned iti kabaybyaan a sakupen ti Dalupiri Island, Calayan, Cagayan idi Oktubre 31, 2026.
Apaman ti pannakaawat ti Coast Guard Station Calayan iti impormasion ti insidente, insigida dagitoy a nagresponde, no sadinno karaman kadagiti naisalakan ket ti kapitan ti barko ti M/B Rose Marie 1.
Kalpasan ti rescue operation, dimmalan iti medical assessment dagiti amin a tripulnte iti Calayan Rural Health Unit.
Mainaig iti daytoy, maysa kadakuada ti nagsagaba ti sugat iti kannawan a tumengna, kabayatan a dagiti dadduma met ket chineck ti doktor para iti posible nga altapresion.
Kabayatanna, naiwayat ti operasion babaen iti tulong ti Philippine National Police, Municipal Disaster Risk Reduction and Management Office, Bureau of Fire Protection ken dagiti tripulante a nakasakay iti bangka.
