LAOAG CITY – Manamnama ti pannakaimatang dagiti nagduduma nga astronomical events iti tangatang ita a bolan ti Nobiembre.
Daytoy ket basar ti inparuk-at nga impormasion ti Philippine Atmospheric, Geophysical Services Administration wenno PAGASA.
Segun iti PAGASA, sumagmamano kadagiti constellation a manamnama a makita iti intero a bolan ket ti Northern constellations kas ti Cepheus, Cassiopeia, Andromeda, Pegasus ken ti Pisces.
Malaksid kadagitoy, manamnama pay a maimatangan ti publiko ti southern constellations kas ti Tucana, Grus, Phoenix, Sculptor ken ti Aquarius.
Kabayatanna, basar iti ahensia, kapintasan a maimatangan dagitoy iti oras ti alas-nuebe ti rabii.
