LAOAG CITY – Nasugatan dagiti agkabsat a naglubbon ti motorsiklo kalpasan a nakadinnungpar da ti maysa a pick-up iti national highway a paset ti Barangay San Pablo ili ti San Nicolas.
Segun ken ni Police Capt. Sgyman Benigno, ti chief of police iti ili ti San Nicolas, dagiti agkabsat a nakalugan ti motorsiklo ket taga Salcedo, Ilocos Sur.
Inbatad na nga iti imbestigasyon da, kabayatan ti panagpapa-amyanan ti motorsiklo ket bigla a nagpakannigid ti agpapa-abagatan a pick-up a nangitunda ti panagdinnungpar da.
Gapu iti napasamak ket nagsagaba dagiti biktima ti sugat iti nagduduma a paset ti bagida ken naitaray da met a dagus iti ospital para iti naan-anay a pannakataming da.
Agpapan maisursurat daytoy a damag ket saan pay a nakapagsarita ti dua a partido mainaig iti napasamak.
