Naglikudan ti Malacañang ti alegasyon a maipagarop a nawaya a makarkawar ken makasubli iti detention facility ni dati nga House Speaker at Leyte 1st District Rep. Martin Romualdez babaen ti tulong dagiti personnel iti pagbaludan.
Inbatad ni Palace Press Officer ken Communications Undersecretary Claire Castro a basar iti report ti Bureau of Jail Management and Penology (BJMP), awan ti nairekord a power interruption wenno pannakapukaw ti CCTV coverage iti Quezon City Jail Male Dormitory iti panawen a natingiting daytoy.
Kuna na nga awan pay ti rekord a rimuar ni Romualdez iti pasilidad malaksid iti panagatendar na iti maysa a panagdengngeg idi Oktubre 12.
Segun ken ni Castro, napateg a masigurado nga awan ti siasinno man a balud a makaawat ti espesyal a pannakatrato aniaman ti dati a posisyon wenno koneksiyon iti gobyerno.
Inpaganetget na pay a rumbeng a patas ti pannakatrato ti amin a nakabalud, kagiddan ti panangibaga na a naimbestigaren dagiti alegasyon tapno maamoan ti kinapudno.
Kwinestyunaran met ni Castro ti motibo dagiti agiwarwaras ti nasao nga impormasyon ken kunana a mabalin a gagem na laeng a dadaelen ti panagtalek ti publiko iti gobierno ken dagiti ahensiya a mangiwanwanwan iti nakaibaludan ni Romualdez.
Ni Romualdez ket nakabalud iti New Quezon City Jail sa Payatas sipud pay idi Setyembre 14 kalpasan nga inbilin ti Sandiganbayan Third ti pannakaiyakar na manipod iti ospital.
Immunan a naiyisoan ti warrant of arrest ni Romualdez idi Setyembre 7 mainaig iti maysa a non-bailable plunder case.
