Kangrunaan a pondoan ti lokal a gobierno iti siudad ti Batac intono umay a tawen dagiti sektor ti agrikultura, edukasion ken social services.
Segun ken Mayor Markee Chua prayoridad ti administrationna iti amin a bataquenio ngem ti umuna a pinondoanda ket ti agrikultura gapu ta isu iti kangrunaan a pagsapulan dagiti bataquenio ken kalikagumna nga agbalin a produktibo dagiti mannalon.
Sumaruno iti daytoy iti sektor ti edukasion a gagemna a manayunan dagiti city scholars da ken mapalawa iti panagibunongda kadagiti school supplies, bags, sapatos ken kasta pay iti uniporme.
Karaman pay ditoy ti City Social Welfare and Development Office tapno ad-adda pay a mapabileg iti panangipaay kadagiti nagduduma a tulong kas ti social pension para kadagiti senior citizen, person’s with disability (PWD), ken dadduma pay/
Innayon pay ni Mayor Chua a dagitoy met laeng a sektor ti nailatangan ti dakkel a pondo iti napalabas a tawen.
