LAOAG CITY – Personal a bimmisita ni Commission on Elections (COMELEC) Chairman George Erwin Garcia iti siudad ti Legazpi iti probinsia ti Albay para iti panangidaulona ti voters registration iti maysa nga unibersidad iti nasao a siudad.
Iti rakurak ni Garcia, inpettengna ti importansia ti panagparehistro dagiti agtutubo para iti panagpili ti baro a lider ti pagilian.
Segun ken ni Garcia, iti agarup 71 million a botante iti intero a pagilian, sumurok-kumurang 45 million kadagitoy ket agtutubo, no sadinno manamnama a ngumato pay ti nasao a bilang kabayatan ti panagtultuloy ti registration iti nagduduma a paset ti pagilian.
Mainaig iti daytoy, mamati ti ahensia ti pannakaulit ti nangato a partisipasion ti publiko idi 2025 elections, no sadinno nairekord ti 81.65% voter turnout, ken namnamaenna a ngumato pay ti porsiento ti partisipasion dagiti agtutubo iti 2028 elections.
