Inpasigurado ti Civil Aviation Authority of the Philippines (CAAP) a nakasagana dagiti erupuerto iti pagilian iti panagsangpet dagiti head of states ti ASEAN ken dagiti delegado da.
Daytoy ket kalpasan a naapektaran ti sumagmamano a flights ken rinibo a pasahero iti panangisayangkat ti 49th ASEAN Summit iti pagilian.
Inbatad ni CAAP public information officer Bea Bernardo a nakasagana da a tumulong kadagiti sumangpet a lider iti pagilian a makipaset iti ASEAN Summit.
Binalakadan na met dagiti pasahero a kitaen a naimbag dagiti flights tapno saan a maapektaran ti biyahe da.
Adda dagiti airport helpdesk a naikabil para kadagiti maapektaran a pasahero.
Inlawlawag na met a normal screening ti maisayangkat kadagiti erupuerto ken awan ti pannakaiserra dagiti kalsada.
