Nagballag ti Philippines National Police (PNP) ita a Biernes, Nobiembre 13 kontra kadagiti peke nga advisory ken manangallilaw nga impormasion nga agwarwaras iti online mainaig ti 49th Association of Southeast Asian Nations (ASEAN) Summit.
Binalakadan ti Philippine National Police ti publiko a patien laeng dagiti opisial a channel ti gobierno ken liklikan ti mangiwaras ti saan a beripikado nga anunsio mainaig iti summit.
Mainaig iti daytoy, pinaigetan ti pulisya ti online monitoring kadagiti kwestionable a post mainaig iti panagrekep dagiti kalsada, pangta iti seguridad, dagiti panangpaiget kadagiti venue ken dagiti maipagarup nga emergency incident.
Karaman pay ti panangpapigsa ti koordinasion ti Philippine National Police Anti-Cybercrime Group ken dagiti maseknan nga ahensia ti gobierno tapno imbestigaren dagiti naireport nga online threat ken dagiti account nga agpampammarang nga opisial ti pulis.
Inpahanetget ti Philippine National Police a mabalin a maallilaw iti publiko, makaapektar iti ayus ti panagbiahe ken manglapped kadagiti operasion a pangseguridad ti summit ti panangiwaras ti nabiddut nga impormasion.
