Indauloan ni Presidente Ferdinand Marcos Jr. ti Change of Command and Retirement Ceremony ti Philippine Navy, no sadinno binigbig ken pinagyamanan na ti dua a tawen a serbisio ni Vice Admiral Jose Ma. Ambrosio Q. Ezpeleta kas Flag Officer in Command.
Malaksid iti daytoy, ginutigot ti Presidente ti baro a Navy Chief a ni Vice Admiral Alan M. Javier nga ituloy dagiti nairugi nga addang iti modernisasion ken panangpapigsa iti kabaelan ti Philippine Navy tapno maprotehiran ti teritorio ken maritime rights ti pagilian.
Iti babaen ti panangidaulo ni Ezpelata, pinapigsa ti Navy ti external defense operations ken presensia na iti West Philippine Sea, pakairamanan pay ti pannakagun-od ti kabaroan a ramit a pangbaybay, panang-upgrade dagiti pasilidad ken panangpalawa ti pannakitinnulongan iti sabali a pagilian.
Inpaganetget pay ni Marcos ti kinapateg ti agtultuloy a pagpuonan kadagiti kameng ken ramit ti Navy tapno ad-adda a maprotehiran ti soberenia ti Pilipinas.
