LAOAG CITY – Naikabilen idiay Brazil ti opisial a tropeo ti FIFA Women’s World Cup 2027 kalpasan daytoy a naipaima iti Brazilian Football Confederation (CBF) idiay Rio de Janeiro idi Nobiembre 12.
Nakipaset iti seremonya dagiti mangibagbagi ti FIFA, CBF ken ti gobierno ti Brazil kas paset ti panagsagsaganada iti umadanin a FIFA Women’s World Cup 2027.
Iti kaunaan a gundaway, maisayangkat idiay South Amerika ti Women’s World Cup, no sadinno mangrugi ti nasao a kompetision intono Hunio 24 agingga Hulio 25 intono sumaruno a tawen a pakipagpasetan dagiti 32 a teams iti walo a siudad idiay Brazil.
