Inbutaktak ti Canadian singer-songwriter a ni Avril Lavigne ti panagpasngay iti umuna nga anak na idi Nobiembre 13.
Inanunsio daytoy ti agtawen 42 a singer babaen ti panangi-share dagiti ladawan iti Instagram nga addaan ti caption “Our mini f–king princess has arrived,” nga in-reference-na ti maysa a liriko iti 2007 Hot 100 No. 1 single-na a “Girlfriend.”
Sakbay iti anunsio, saan pulos nag-post ni Lavigne iti Instagram iti sumurok maysa a tawen a nangitunda iti pannakasdaaw dagiti fans ti singer.
Naamoan a saan pay nabigbig ti ama ti maladaga ken napagtalinaed ni Lavigne a pribado ti personal a biag na.
Sakbay pay iti pannakasangay iti baby girl-na, namindua a daras a nagkasar ni Lavigne. Immuna daytoy a nagkasar ken ni Deryck Whibley, vocalist ti rock band a Sum 41, idi 2006 agingga 2009. Idinto nga inkasar na ni Chad Kroeger, frontman ti banda a Nickelback.
Mabigbig ni Lavigne kadagiti hit songs na a Complicated, Sk8er Boi ken Girlfriend.
