Inrakurak ti AXA Mind Health Report 2026, a 31% kadagiti Pilipino a makapaspasar ti liday wenno maaw-awagan nga adda ti “languishing state” ken 74% met ti nangibaga ti negatibo a pannakaapektar ti screen time ti pannaturogda.
Gapu iti daytoy, inlungalong ti National Center for Mental Health (NCMH) ken The Medical City psychiatrist a ni Dr. Kristine Abary a kitaen ken ikkan importansya ti daily habits wenno inaldaw nga ar-aramiden dagiti Pilipino a mabalin a makaapektar ti mental health, karaman ti panagturong ken panagusar ti teknolohiya.
Kuna na nga iti naiyuswat a Mind Health Forum 2026, napateg a maaddaan ti regular nga oras ti panagturog ken panagriing gapu ta isu ti panaginana ti utek ken bagi ti tao.
Innayon ni Abary a makatulong ti panangliklik ken panagusar ti gadgets sakbay a maturog tapno makissayan ti distractions ken makainana a naimbag.
Malaksid iti panagturog, napateg pay iti mental health a bantayan ti oras nga ibukbukbok iti social media, mangikeddeng ti limitasyon iti screen time, mangliklik iti content a mangitunda ti stress, ken mangilatang ti oras para kadagiti trabaho a saan a kasapulan ti gadgets kas ti panag-ehersisyo.
Makatulong pay ti pannakisarita iti pamilya, dagiti papagayam ken mental health professional no kasapulan.
