LAOAG CITY – Umaboten iti agarup 500,000 a bakuna kontra iti African swine fever (ASF) ti naipaayen ti Department of Agriculture (DA) sipud idi tawen 2024.

Ti Bureau of Animal Industry (BAI) ti Department of Agriculture ket balligi ti panangipaayna ti 499,008 manipud iti naiyallokar ken target ti departamento a 500,000 a bakuna babaen ti ASF vaccination program.

Ti nasao a kampanya ket naiyuswat iti 54 a pagtaraknan iti 7 a probinsia, no sadinno a ti Tarlac ti kadakkelan ti bilang dagiti baboy a nabakunaan nga umabot iti 287,620.

Sinaruno daytoy ti Batangas nga addaan ti 92,021 a baboy a nabakunaan ken idinto nga 88,107 met iti Bulacan.