Inpasigurado ti Department of Trade and Industry (DTI) nga adda iti regular monitoring kadagiti maipapaay a shared service facility kadagiti nagduduma nga asosayon ken ili ditoy probinsia.
Segun ken DTI Provincial Director Amelia Galvez, adda iti Shared Service Facility Technical Assistant, a nakatutuk iti panagmonitor kadagiti makina ken pasilidad a naidiaya tapno masigurado a dagitoy ket agop-operar ken saan a nalaka a maperdi.
Kuna ni Galvez a mabanbantayan dagiti benepisyaryo no kasano iti panangoperar da tapno agpaot kadakuada ti pasilidad ken makatulong iti produkto dagitoy.
Kabayatanna, no adda man dagiti maireport a problema kadagiti makina a naipaay ket insigida a solusyunan ti DTI tapno siento porsiento a functional dagitoy.












