Nagpanawagan ti Second Congressional Commission on Education (EDCOM 2) a manayuan ti saan a nababbaba ngem 1,100 nga School Counselor Associate (SCA) positions iti 2027 national budget, malaksid pay ti 3,000 nga agdama a nakalatang, tapno masolbar ti agraira a bullying ken kinadamsak kadagiti pagadalan.
Basar iti EDCOM 2, nagtalinaed a nalawa ti bullying kadagiti agad-adal a pilipino.
Iti Programme for International Student Assessment 2022, 43% dagiti babbai ken 53% dagiti lallaki ti nangibaga a nakapasar da ti bullying iti sumagmamano a daras iti uneg laeng ti maysa a bolan, agarop nagdoble ti average iti Organisation for Economic Co-operation and Development.
Maibasar met iti 2024 Southeast Asia Primary Learning Metrics (SEA-PLM), 50% ti Grade 5 learners iti Pilipinas ti nakapasar ti bullying, ti maibilang a kangatoan iti Southeast Asia.
Nupay kasta, nakurang latta dagiti natraining a guidance ken counseling professional amabalin nga agresponde ken mangsuporya kadagiti agad-adal a makapaspasar ti bullying, kinadamsak ken dadduma pay nga isyu iti mental health.
Dinakamat pay ni EDCOM 2 Executive Director Karol Mark Yee, ti 4,100 nga “high-need schools”, dagiti pampubliko a pagadalan nga addaan ti saan a nababbaba iti 1,000 nga agad-adal ken awan ti guidance counselor na, ken dagitoy ket addaan ti average enrollment a 1,960 learners iti kada pagadalan.
Iti babaen ti Republic Act 12080 wenno Basic Education Mental Health and Well-Being Promotion Act, nga insurat da EDCOM 2 Co-Chairs Rep. Roman Romulo, Rep. Jude Acidre, Sen. Joel Villanueva, ken EDCOM 2 Commissioner Senate President Sherwin Gatchalian, iti kada pagadalan ket rumbeng nga addaan ti Care Center para iti mental health services.












