LAOAG CITY – Agibunong ti Department of Health ti condom kagiddan ti World AIDS Day intono Disyembre ita a tawen.

Inbatad ti ahensya a dagiti maibunong a condom ket libre para iti publiko babaen kadagiti regional offices, HIV treatment hubs ken local government units.

Mainaig iti daytoy, ti World AIDS Day ket maob-obserbaran iti kada umuna nga aldaw ti bolan ti Disiembre.

Kabayatana, inrakurak ti Department of Health, a ti Pilipinas ket agtultuloy a makapaspasar ti alisto a panagngato iti kaso ti Human Immunodeficiency Virus (HIV).

Inpakaammo ti ahensya a binolan a ngumatngato ti mairekrekord ti da a kaso sipud idi 2021 agingga iti napalabas a tawen.