Agtalinaed a kangrunaan a prioridad ti panangtaripato iti aglawlaw kabayatan ti kalikagum ti Pilipinas ti naalalisto a panagakar iti nadalus ken kabaroan nga enerhia, basar iti Department of Environment ken Natural Resources (DENR).

Iti panagbisita ti pagilian iti 31st United Nations Climate Change Conference (COP31) iti Antalya, Turkiye, inlawlawag ni Department of Environment ken Natural Resources (DENR) Undersecretary Analiza Rebuelta ti kasapulan nga ibalanse ti panangpadur-as ti enerhia ken ti pagimbagan dagiti lokal a komunidad ken ekosistema.

Dinakamat ti opisial nga uray pay dakkel ti pagimbagan dagiti ipaspasdek nga offshore wind project iti suplay ti kuriente, saan a masapul a madadael dagitoy dagiti marine resources ken dagiti pagsapulan dagiti residente kadagiti kabaybayan.

Kasa sungbat, nangipatungpal ti ahensia dagiti reporma iti regilasion ken ad-adda a naiget a pagannurotan tapno masigurado a natalged iti aglawlaw ken long-term wenno napaut dagiti proyekto ti pagpuonan.

Paset daytoy ti ad-adda a nalawa nga addang ti gobierno a kissayan ti panagangkat ti fossil fuel ken maabot ti 35 a porsiento a paset ti renewable energy a suplay ti kuriente inton dumteng ti 2030, ken 50 a porsiento iti 2040.