LAOAG CITY – Maituloy ti panagdengngeg ti impeachment court inton Disiembre 1, 2026 para iti panangusig ken ni Vice President Sara Duterte kalpasan ti maudi a session idi Nobiembre 20.
Kalpasan ti sumagmamano nga aldaw nga awan panagdengngeg, manamnama a maituloy ti panangusig iti nadakamat nga aldaw kabayatan nga agtultuloy ti presentasion ti depensa kontra kadagiti alegasion a nakapalaon iti Article II of impeachment complaint.
Maipalagip nga idi maika-45 nga aldaw ti panangusig idi Nobiembre 20, simmango kas testigo ti depensa da Department of Trade and Industry Undersecretary Ceferino Rodolfo ken Food and Drug Administration Director IV Pilar Marilyn Pagayunan.
Tinalantan ni Rodolfo ti panagparehistro ti Cale88 Food Corporation kas export enterprise iti babaen ti Board of Investment, kabayatan a nangidatag ni Pagayunan dagiti dokumento nga adda pakainaigan na iti registration ti banana chips ti kompania.
Nupay kasta, saan a naituloy dagiti naikedddeng a panagdengngeg iti Nobiembre 26 ken 27 gapu iti saan nga available dagiti sumaruno a testigo ti depensa.












