LAOAG CITY – Pabor ni Barangay Chairman Pete Butay Duldulao, ti ABC President iti ili ti San Nicolas ti pannakaiyalud-od ti Barangay and Sangguniang Kabataan Election iti lima a tawen.
Kunana a daytoy ket tapno maipaayan dagiti agdama nga agturturay ti gundaway a makaplastar ken mapadur-as dagiti proyekto a naipila tapno maimplemetar a nalaing iti met laeng babaen ti panagturayda.
Inbatadna a nababa ti 3 tawen a panagturay gapu ta dakkel ti posibilidadna a saan a maipatungpal dagiti proyekto nga inpilada.
Segun kenkuana, no asideg ti panagbubutos, dakdakkel ti gastos ti gobierno isu a makatulong met ti pnnakaiyalud-od tapno makainot ti gobierno.
Innayonna a daytoy ket gundaway pay tapno makita a nalaing ken maamoan no siasinno ti masapul a mbutosan ken no sinno dagiti agdama a nakatugaw nga arigna ket awan ti makita a na-trabahoan-da.
Kabayatanna, kunana a masapol a makita a nasayaat dagiti umili ti butosanda tapno maelektaran dagiti rumbeng ken makapudno nga agtugaw.
