LAOAG CITY – Nagballaag ti Palasyo kontra kadagiti indibidual nga adda iti likudan ti panagiwaras ti saan nga umno nga impormasion nangruna kadagiti panawen ti emerhensia.
Inbatad ni Palace Press Officer Claire Castro nga ad-adalen dagiti ahensia ti gobierno ti posible a panangipila ti kaso kontra kadagiti agiwarwaras ti peke a memorandum circular a maipagarup a mangsuspenso ti klase ken trabaho kadagiti opisina ti gobierno.
Inlawlawagna nga umad-adu dagiti agwarwaras a fake news iti intero a pagilian a Pilipinas.
Maipalagip a nagwaras ti social media ti peke a memorandum order a mangsuspenso ti serrek kadagiti pagadalan ken opisina ti gobierno.
Immapela ni Castro iti publiko a makikaysa tapno saanen nga agwaras pay ti nasao a klase ti saan nga umno nga impormasion.
