LAOAG CITY – Maysa a two-year-old nga ubing a babai idiay Japan ti nakagun-od ti world record gapu ta isuna ti kaubingan a recording artist a naka-release ti bukudna nga album.
Kinumpirmaran ti Guinness World Records a ni Jalimpa ti akin-iggem ti world record title a “Youngest Female Solo Artist to Release an Album.”
Daytoy ket kalpasan nga in-release-na ti album daytoy a napauloan ti “Nonsense makes Sense” iti tawenna laeng a dua.
Basar kadagiti nagannak ni Jalimpa, kunada nga innem a bulan pay laeng daytoy ket nakitaandan ti hilig iti panagkanta. Artists met dagiti nagannak ni Jalimpa isu nga iti kinaubingna ket addan ti access daytoy kadagiti nagduduma a musical instrument.
Kabayatanna, mamatida nga amin nga ubbing ket dagus a makitaan ti talento uray ubbing pay laeng dagitoy.
