LAOAG CITY – Inballaag ti maysa nga agpanpanday linteg a maaddaan ti epekto iti taraon ti agtultuloy a panagngato ti presio ti liquefied petroleum gas (LPG) ken kerosene.
Inbatad ni Senior Citizens party-list Rep. Rodolfo Ordanes a mabalin a bumassit ti panangikabilda ti servings iti kada karinderia.
Kunana a ti panagngato ti presio ti langis ket saan laeng a makaapektar iti sektor ti transportasion no diket mairaman pay ti industria ti taraon.
Mabalin a mapilitan dagiti restaurant, bakeries ken sumagmamano a panganan nga agusar ti uring iti panagluto.
Maipalagip nga iti umuna nga aldaw ti Abril idi inpatungpal ti umuna a nayon a presio a P5 iti kada kilo ti LPG a sarunoen daytoy ti sabali pay a P5 a nayon a presio inton sumaruno a lawas.
