LAOAG CITY – Nagballaag ti Food and Drug Administration (FDA) iti panagwaras ti saan a rehistrado ken posible a tampered nga anti-rabies vaccines iti merkado iti Pilipinas kagiddan ti pannakaarestar dagiti indibidual a maipagarup a karaman iti repacking ken relabeling kadagiti bakuna.
Inbatad ni Food and Drug Administration spokesperson Khay Magundayao, natiliw dagiti suspek a balbaliwan dagiti labels ken irep-repack dagiti bakuna a mabalin a makaapektar iti kinatalged ken bileg dagitoy.
Inpaganetgetna a mabalin a saan nga agbalin nga epektibo dagiti bakuna no saan nga husto iti panagiggem ken mabalin a mangitunda ti seryoso a risgo iti salun-at.
