LAOAG CITY – Ad-adda pay a kumaro ti pandemia ti Acquired Immunodeficiency Syndrome iti intero a lubong gapu iti kellaat a panagsardeng iti tulong pinansial manipud idiay Estados Unidos basar ken ni UNAIDS executive director Winnie Byanyima.
No saan a maisubli ti pundo wenno makabiruk ti sabali a suporta, mabalin a ngumato ti 6.3 milyon ti bilang dagiti matmatay iti Acquired Immunodeficiency Syndrome iti uneg ti uppat a tawen.
Ti Estados Unidos a dati a kadakkelan a donor ti tulong iti Acquired Immunodeficiency Syndrome ket nagkissay ti pundo iti babaen ti administrasion ni Presidente Donald Trump.
Gapu iti daytoy, naapektaran ti panangagas iti Human Immunodeficiency Virus iti 27 a pagilian iti Africa ken Asya pakairamanan ti kinakurang ti agpaay, mangtingiting ken dagiti surveillance system.
Dinayaw ni Byanyima ti PEPFAR, maysa a programa ti Estados Unidos a nakaisalbar ti 26 a milyon a biag ken inpettengna ti baro nga agas a lenacapavir nga addaan ti 100% a bileg kontra iti Human Immunodeficiency Virus.
Inallukoyna ni Trump nga isubli ti pundo gapu ta malaksid iti panangsalbar ti biag ket makatulong pay daytoy iti ekonomia ti Amerika.
