LAOAG CITY – Kinumpirmaran ni Bureau of Immigration (BI) commissioner Norman Tansingco nga adda ti naawat da nga impormasyon a nagtalinaed idiay Jakarta, Indonesia ni dismissed Bamban Tarlac, Mayor Alice Guo.
Segun ken ni Tansingco, ti nasao nga impormasyon ket naidanun kenkuana idi rabii ti lunes, Agosto 26.
Inaramid daytoy ni Tansingco iti inyuswat nga inquiry ti Senate justice and human rights subcommittee iti senado kagiddan ti panagimbestigar dagiti senador kenni Sheila Guo tapno maamoan ti lokasyon ti dati a mayor.
Inadmitir pay ni Sheila Guo a kadwa na a naglibas ken rimuar iti Pilipinas ni Alice Guo ken ni Wesley Guo nga agpapada a maikonkonektar iti illegal nga operasyon ti Philippine Offshore Gaming Operations (POGO) iti ili ti Tarlac ken maipagarop nga adda pay ti pakainaigan da iti naraot nga scam hub wenno pogo hub idiay Porac, Pampanga.
