LAOAG CITY – Inpakaammo ni Mayor James Bryan Alcid a manamnama a maluktan sakbay iti bulan ti Disyembre ti akinlaud a paset ti Gilbert Bridge nga alternatibo a dalan nga agturong iti Mall ditoy ciudd.
Segun kenni Alcid, nalpasen ti pannakaaramidna ti nasao a dalan ngem kasapolan laeng iti 14 agingga 21 nga aldaw a pannaka-curing na tapno naan-anay a madalyasatan.
Kunana a ti dalan ket nadesenyo nga “one way” a pagserrakan dagiti behikulo nga agturong mismo iti dakkel a mall.
Inayonna nga adda pay ti manmanma a phase 2 ti nasao a proyekto wenno ti pannakatarimaan ti pagruwaran dagiti behikulo a kumamang met iti daya nga agturong iti Barangay Tangid tapno saan nga umirot ti trapiko iti sangwanan ti Mall.
