LAOAG CITY – Natay ti maysa nga ama kalpasan a nagbekkel iti kusina iti balay da iti Barangay Manalpac, Solsona, Ilocos Norte.
Daytoy
ti kinumpirmaran ni Police Capt. Chris Anthony Sorsano, ti chief of
police iti ili ti Solsona.
Binigbig ni Sorsano ti biktima a ni Elizer Martillano Yanguas, agtawen ti 31, addaan ti asawa ken dua nga annak ken residente met laeng iti nadakamat a barangay.
Inbatad ni Sorsano nga iti panagimbestigar da ket naamoan a ti biktima ket agsagsagaba ti sakit a gastroenteritis.
Mamati ni Sorsano a gapu ta saanen a maibturan ti biktima ti sagsagabaen na a sakit ket kinaykayat nan ti nagpakamatay.
Kuna na a mismo a ti ina na ti nakakita a nakabitin ti biktima ken intaray da a dagus iti ospital ngem naideklara a pimmusayen.
Awan met ti makita da a foul play iti pannakatay ni Yanguas.
