LAOAG CITY – Napilitan a nag-divert idiay Rome ti American Airlines flight kalpasan a nakaawat ti bomb threat.
Ti nasao a pampasahero nga eroplano ket aggapu idiay New York ken agturong koma idiay India kalpasan a nakaawat ti bomb threat.
Gapu iti daytoy, napilitan nga i-divert ti piloto ti flight iti Roma ngem apaman a nakasangpet iti lugar ket awan ti aniaman a nakita a bomba.
Makita a sakbay a nag-landing iti Rome-Fiumicino airport ti Boeing 787-9 ket in-escort-an daytoy ti Italian Air Force Eurofighters.
Kabayatanna, agtalinaed pay laeng idiay Roma ti eroplano ti maysa nga aldaw sakbay nga agbiahe idiay India.
