LAOAG CITY – Nangabak ti Region 3 wenno ti Central Luzon iti pinweight boxing kontra iti Region 1 wenno ti Ilocos Region iti Imelda Cultural Center iti siudad ti Batac.
Segun ken ni Mr. Prince Dave Nugal manipud iti Central Luzon, dakkel daytoy a pammadayaw kenkuana kas mangrugrugi nga agbalin a nalatak a boksingero iti masangoanan.
Inbatadna a daytoyen ti maikadua a daras a nakilaban isuna iti tay-ak ti boksing.
Inlawlawagna a dimmalan daytoy ti naiget ken nabayag a panagsanay tapno makagun-od ti balitok a medalya iti Palarong Pambansa 2025.
Innayonna a sinerrekna ti lubong ti boksing idi tawen 2023 ken kalikagumna a tuladen ti amana a dati met a boksingero.
