LAOAG CITY – Inbatad ni Russian President Vladimir Putin nga awan ti mapasamak a gubat kalpasan iti Ukraine no matrato nga addaan ti respeto ti Russia.
Kageddan iti daytoy ket inawagan ni Putin a “nonsense” ti maibagbaga a plano ti Moscow a rauten ti European countries.
Nasaludsod kenni Putin no adda ti baro nga “special military operations” – ti awag na iti full-scale invasion iti Ukraine.
Inlawlawag met ni Putin nga awanen ti mapasamak nga operasyon no respetaren ti dadduma a pagilyan ti Russia kangrunaan na iti interest na kas iti panangrespeto da iti sabali a nasyon.
Ummuna iti daytoy, inpetteng ni Putin nga awan ti plano ti Russia a makigubat iti Europe ngem nakasagana da latta no isu ti kayat ti Europeans.
