LAOAG CITY – Maysa a babai idiay Massachusetts, U.S.A. ti nangabak ti $1 million iti scratch-off card, dua a bulan kalpasan a nangabak ti $1 million iti maysa pay nga scratch-off card.
Idi nagtudo ti swerte iti lotto ti langit arig ket sinarapa amin ni Christine Wilson. Idi Pebrero, gumatgatang ni Wilson ti arak iti Dub’s Discount Liquors idi mapanunutanna a gumatang ti Lifetime Millions scratch-off card nga agbalor ti 50 dollars.
Kalpasan nga ini-scratch-na ti card, saan a mailadawan ti ragsakna idi naammoanna a nangabak daytoy ti $1 million. Kalpasan a nakissayan ti tax, nakaawat ni Wilson ti $650,000 manipod iti lottery winnings-na no sadino ti immunana a ginatang ket maysa nga SUV a lugan.
Sangapulo a lawas kalpasan a nangabak, napanunutanna manen a gumatang ti scratch-off card. Adda isuna ti maysa a supermarket idi gimmatang daytoy ti 100x scratch-off card nga aggatad ti $10.
Saan daytoy a makapapati a nangabak manen isunan ti $1 million. Gapu kadagiti panangabakna, nakaawat isuna ti liquor store ken supermarket ti bonus a $10,000 manipod iti Massachusetts State Lottery.
Kuna ni Wilson, idulinna iti bangko dagiti inabakna a kuarta kas life savings.
