LAOAG CITY – Awanen ti makalapped iti Barangay and Sangguniang Kabataan Elections (BSKE) uray nairana daytoy iti All Soul’s Day.
Daytoy ti inpasingked ni Commission on Election (Comelec) Chairman Erwin George Garcia.
Segun ken ni Garcia, ti iskedyul a Nobyembre 2 ket desisyun ti Kongreso.
Kuna na a gapu ta paset daytoy ti long weekened ket makaawid dagiti botante kadagiti probinsya da no sadinno a maikkan da ti gundaway a makabotos.
Innayon ni Garcia a nakumpleton ti panagimprenta dagiti balota ken addan iti proseso ti beripikasyon ti Comelec.
Inpakaammo ni Garcia a sumuruk-kumurang a 95 a milyon ti balota gapu ta addan ti 70 a milyon a balota para iti regular a botante ken 25 a milyon para iti Sangguniang Kabataan.
Ti sumaruno nga schedule ket ti panagsanay para kadagiti agserbi iti panawen ti eleksyon ken ti panagpila ti certificates of candidacy intono Setyembre ita a tawen.
