LAOAG CITY – Indasar ni P/Col. Frederick Obar, Provincial Director ti Ilocos Norte Police Provincial Office ti datos ken kangrunaan a rason iti degrasia ditoy probinsia iti naiyuswat a regular session iti Sangguniang Panlalawigan.
Segun kenkuana, maysa laeng ti nagbabaan ti datos kadagiti mapaspasamak a desgrasia ditoy probinsia manipud iti Hunio agingga iti Agosto ita a tawen maidasig iti kapada a panawen idi 2023.
Inlawlawagna a dagiti kangrunaan a rason iti agtultuloy a panagngato iti bilang ti insidente ditoy probinsia ket dagiti saan a nakasuot ti protective helmet, nabartek a nangiturong ti lugan ken napaspas a dumaldalysat iti national highway.
Kunana a dagiti ili ken siudad a kaadduan ti nakairekord ti desgrasia ket iti ili ti San Nicolas, Pasuquin, Badoc, Bangui, Sarrat, Currimao ken ditoy siudad ti Laoag no sadinno kaadduan ket barangay road accident.
Innayonna nga agtultuloy ti panangaramidda iti solusion tapno maipababa pay ti bilang iti insidente ditoy probinsia.
