LAOAG CITY – Nangipila ti Office of the Ombudsman ti dua a count ti graft ken dagiti administrative complaint kontra kada Senador Mark Villar, Senador Camille Villar, dati a Senador Manny Villar, dati a Senador Cynthia Villar, Paolo Villar ken dadduma pay nga opisial dagiti local water district gapu ti maipagarup a nadakes a serbisio ti danum.
Daytoy ket kinumpirmran ni Assistant Ombudsman Mico Clavano nga manarimaan a dumaldalan iti preliminary investigation iti opisinana.
Naisayangkat ti addang kalpasan a nakaawat ti Ombudsman ti damag manipud iti Office of the Government Corporate Council mainaig dagiti makaduda a kontrata iti probinsia ken suidad.
Basar iti damag ti nadakamat nga ahensia, simrek iti 75 a local water districts iti maysa a grossly disadvantageous a joint venture agreement iti Prime Water Infrastructure Corporation (PWIC) manipud tawen 2015 agingga 2022.
Kabayatanna, manamnama nga awagan ti Ombudsman ti pamilia Villar ken dagiti maseknan nga opisial tapno mangipila ti bukodda a counter-affidavit mainaig iti isyu.
