LAOAG CITY – Umaboten iti nasurok 80 a tattao ti natay, ken nakurang a 200 ti nasugatan kalpasan ti air strikes nga inwayat ti Israel idiay Gaza.
Napasamak ti insidente sakbay pay ti aldaw pannaka-ideklara ti ceasefire deal iti nagbaetan ti Hamas ken Israel.
Segun iti Hamas-run health ministry, nairekord ti bilang dagiti pimmusay iti uneg laeng ti maysa bga aldaw.
Rumrumuar iti report a namin-walo a daras nga immatake ti Israeli forces.
Iti agdama ket awan pay ti opisyal nga statement nga inruar ti Israel maipapan iti nasao a panag-atake ngem agsagsaganan dagiti kameng ti security cabinet nga agbutos seknan iti ceasefire idiay Gaza.
Maipalagip nga immuna nga inayanunsyo ti Qatar ken US government ti peace deal ti dua a dasig, no sadinno bga isuda ti nagbalin a mediator.
