LAOAG CITY – Inparuk-aten ti lokal a gobierno iti ili ti Sarrat ti schedule dagiti maisayangkat nga aktibidad ken programa iti selebrasyon ti Binakol Festival iti nasao nga ili.
Segun ken ni Mayor Ralph Conrad Medrano, ti tema da ita a tawen ket “𝐑𝐚𝐠𝐬𝐚𝐤 𝐤𝐞𝐧 𝐂𝐚𝐧𝐚𝐲𝐮𝐧𝐚𝐧 𝐭𝐢 𝐌𝐚𝐧𝐚𝐠𝐤𝐚𝐲𝐤𝐚𝐲𝐬𝐚 𝐧𝐠𝐚 𝐈𝐥𝐢”
Inpakaammo ni Mayor Medrano a ti selebrasyon ti Binakol Festival ket mangrugi intono Pebrero 21 agingga iti Pebrero 28 ita a tawen.
Inbatad na a karaman kadagiti kangrunaan a maiwayat ket ecumenical day, medical mission, Search for Miss Ari-Bai, golden talent, cultural show, farmers festival ken dadduma pay.
Innayon na a ti kangrunaan a padaan dagiti umili ket ti Pebrero 28 a kaaldawan ti panagfiesta iti nasao nga ili.
