LAOAG CITY – Imbestigaren ti Bureau of Internal Revenue (BIR) no umiso ti panagbuis dagiti social media influencers.
Segun ken ni Atty. Ron Mikhail Uy ti Bureau of Internal Revenue, nangbukeldan ti task force ng isu ti mangtutok iti tax liabilities dagiti vloggers ken social media influencers.
Daytoy ti nagbalin a sungbat ti Bureau of Internal Revenue iti panagsaludsod ni Antipolo City Rep. Romeo Acop iti panagdengngeg ti Tri-Comm.
Inpalagip ni Acop ken ni Uy nga iti napalabas a panagdengngeg, inbilin ti Tri-Com panel ti Bureau of Internal Revenue nga agisubmitir ti datos no mano kadagiti social media content creator nga ik-ikkan ti buis ti ahensia ken ti baybayadan a buis.
Segun kenkuana, nangipaay ti panel iti ahensia ti listaan ti 27 social media personalities.
Inlawlawag ni Uy ti karit iti panangtiliw kadagitoy a taxpayer.
Ginutigot ni Suarez dagiti pannakabagi ti social media platforms a kumpirmaren no dagitoy ket agbaybayad ti buis ditoy Pilipinas.
Inarisit met ti agpanpanday linteg manipud idiay Quezon dagiti influencer ken content creator no dagitoy ket agbaybayad ti buis.
Naammoan a maysa kadakuada, ni dati a Press Secretary Trixie Cruz Angeles ti nangibaga nga isuda ket agbaybayad ti buis.
Kabayatanna, maysa a nalatak nga influencer ti nangibutaktak a saan a bumaba iti P5 milyon ti birokna iti kada aldaw.
