LAOAG CITY – Agsentro ti Senate Blue Ribbon Committee kadagiti substandard ken palpak a public works projects ti gobierno, kalpasan kadagiti naawatda a report nga adda dagiti naipasdek nga alisto a naperdi kalpasan ti nagsasaruno a panagtutudo.
Segun ken ni Senate Blue Ribbon Committee Chairman Erwin Tulfo,paset daytoy ti nalawlawa nga imbestigasion ti komite kadagiti alegasion ti anomalia dagtiti proyekto ti gobierno.
Malaksid kadagitoy, baro a nagan ti nainaganan nga adda pakainaiganna iti flood control projects no sadinno ket inbatad ni Tulfo nga inspeksionen ti komite ti amin a rangtay, kalsada ken dadduma pay a public facilities a maipagarup adda ti anomaliana.
Gapu iti daytoy, inpetteng ni Tulfo nga indikasion daytoy ti korapsion kadagiti proyekto a pinondoan ti gobierno a saan a naurnos ti pannakaipasdekna.
Kabayatanna, inlawlawag ni Tulfo a saan laeng a dagiti flood control projects ti pagpokusanda no diketdi tutukan pay ti Blue Ribbon Committee ti manamnama a panangtingitingda kadagiti naitantan a korapsion a masapol a talantanenda.
