LAOAG CITY –Inpetteng ni House Prosecution Spokesperson Atty. Benjamin Tolosa a saan nga umdas a rason ti kinakurang iti oras wenno availability dagiti abogado ti depensa para iti pannakatantan ti panagkumparar dagiti dokumento a mausar iti impeachment trial ni Vice President Sara Duterte.
Segun ken ni Tolosa, gagem ti direktiba ti presiding officer ti pannakaiyalisto ti panangusig iti babaen ti panagkumparar kadagiti liquidation report ken dadduma pay a common exhibits sakbay a maituloy ti panangusig.
Daytoy ket kageddan ti panangirkurak ti depensa nga into Agosto 14 da pay laeng a kabaelan nga iwaya ti document comparison, uray no naikkan da ti biso idi pay laeng Mierkoles, Agosto 6.
Kunana a nupay saan nga iranranta ti depensa ti pannakaitanan, kuna ni Tolos a daytoy ket agbalin a rason ti pannaka-delay iti proceedings.
Innayon pay ti abogado, a mabalinda a sangoen a pagsasaritaan inton sumaruno a panangusig ken ipaima iti presiding officer ti nagbalin nga aksion dagitoy.
