LAOAG CITY – Manarimaan ti pannakikoordinar ti Civil Aviation Authority of the Philippines (CAAP) iti counterparts na idiay Malaysia ken Singapore tapno paliiwen ti tallo a rehistrado nga air assets ti nagikkat a ni dati a Ako Bicol Rep. Zaldy Co.
Inbatad daytoy ni Civil Aviation Authority of the Philippines Director General Raul del Rosario kalpasan ti rakurak ti ahensiya nga agdama nga adda idiay Kota Kinabalu, Malaysia ti dua nga AgustaWestland helicopters a konektado ken ni Co, a maipagarop a nagtayab idi Agosto 20 ken Setyembre 11.
Adda met idiay Singapore ti maipagarop a Gulfstream aircraft simula pa noong Agosto 16.
Malaksid iti tallo nga air assets ni Co, palpaliiwen pay ti ahensiya ti 10 a dadduma pay a nagtalinaed iti pagilian.
Maipalagip nga iti napalabas a bolan ket inbutaktak ni Department of Public Works and Highways Sec.Vince Dizon a nalapdan ti Civil Aviation Authority of the Philippines ti pananggandat dagiti kompaniya a konektado ken ni Co nga i-deregister ti tallo a chopper a nakiddaw a ma-freeze ti nasao nga ahensya.
Kabayatanna, inbutaktak ti Civil Aviation Authority of the Philippines official nga awan ti air assets a nakarehistro iti babaen ti nagan ni dati nga House Speaker Martin Romualdez.
Maipalagip a da Co ken Romualdez ket agpada a nairaman iti isyu ti maanomalya a flood control projects a maipagarop a nakaawat ti kickback, banag a namin-adon a daras a naglikudan dagiti dua.
