LAOAG CITY – Naipaayan ti resolution of commendation ti City Agriculture Office, partikular iti Bureau of Fisheries and Aquatic Resources babaen ti lokal a gobierno ditoy ciudad ti Laoag.
Ti naipaay a Certificate of Appreciation para iti Bureau of Fisheries and Aquatic Resources ket kas panangbigbig iti suporta ken panagkumitna iti epektibo a pannakaipatungpal dagiti programa, aktibidad ken proyekto para kadagiti mangngalap.
Inbatad ni Engr. Shiela Opelac, ti mangidadaulo iti City Agriculture Office a ti nasao a sertipiko ket pammaneknek iti naiget a panagtrabaho da tapno maipadanon ti usto a serbisio para kadagiti umili ditoy ciudad ti Laoag kangrunaan na dagiti mangngalap ken mannalon .
Inpakaammo ni Opelac nga ado pay dagiti nakalinya a programa da a maipatungpal para kadagiti mangngalap ken mannalon ditoy ciudad ti Laoag para iti ad-adda pay a panagdur-as da.
