LAOAG CITY – Rinugianen ni Chinese President Xi Jinping ti maikanem nga aldaw nga European Tour.
Immuna a tinurong ti Chinese President ti Italy.
Gagem ti nasao a panagbisita ket tapno mapasayaat ti relasion ti China kadagiti pagilian iti Europa.
Iti nasao a panagbisitina idiay Italy ket saanen kas iti dati a nabara a panangsarabo kenkuana iti napalabas a lima a tawen.
Kagiddan daytoy ti pannakairubuat ti European Union ti imbestigasion iti wind turbines ti China ken panaggatang dagiti medical equipment ken ti rinaut nga opisina ti Chinese Security equipment maker a Nuctech.
Naituding a makitaripnong ti Chinese President ken ni French President Emmanuel Macron ken European Commission President Ursula von der Leyen.
Kabayatanna, kalpasan ti panagbisitana idiay France ket agturong daytoy iti Serbia ken Hungary.
