LAOAG CITY – Posible a ngumato ti mairekrekord a kaso ti respiratory inspections ditoy pagilian ita a panawen ti panaglalamiis gapu iti Amihan karaman ditoy ti uyek, panateng ken ti COVID-19.
Mismo a ni Department of Health (DOH) Secretary Teodoro Herbosa ti nangipaay ti nasao a pakdaar iti publiko.
Inbatad ni Herbosa, dagiti nasao a sakit ket mabalin a kumaro ken agtennag iti pneumonia, pannaka-ospital ken pannakatay no mabaybay-an.
Malaksid iti daytoy, inpasigurado met ni Herbosa nga agtultuloy ti monitoring dagitoy kadagiti influenza-like illnesses (ILIs) ken water-borne diseases ita nga Amihan season.
