LAOAG CITY – Kiniddaw ni Mrs. Perlita Cabello, mangidadaulo ti City Social Welfare and Development ditoy siudad ti Laoag kadagiti Local Government Units a makitinnulongda a mangkita kadagiti badjao nga agkaiwarang nangruna ita a ber months.
Segun kenkuana, saan a kabaelan ti lokal a gobierno ditoy siuad ti Laoag nga isu laeng ti mangibaklay ti pundo ti pannakaisubli dagitoy iti bukudda a lugar.
Inbatadna nga adda ti naikeddeng a pagianan dagiti badjao iti ili ti Badoc babaen ken ni Mayor Maximo Cajigal ngem saanda kayat ti ag-permit wenno agtrabaho para iti inaldaw-aldaw a panagbiagda.
Inlawlawagna a naiget ti pannakikoordinarna kadagiti nagduduma a lokal a gobierno pakairamanan ti gobierno probinsial tapno maikabil iti nasayaat ken natalged a lugar dagiti badjao.
