LAOAG CITY – Mangiwayat ti imbestigasion ti Department of Agriculture (DA) gapu iti report a bassit laeng ti sumursurot iti pannakaipatungpal ti Maximum Suggested Retail Price kadagiti karne ti baboy.
Inbatad ni Department of Agriculture Assistant Secretary Arnel de Mesa, adda laeng ti 20 a porsiento iti 170 retailers ti simmurot iti Maximum Suggested Retail Price.
Iti nasao a Maximum Suggested Retail Price ket gutgutigutenda nga aglako dagiti retailers ti saan a ngumato iti P380 iti kada kilo dagiti liempo idinto dagiti pigue ken ham ket nasken a saan a ngumato iti P350 iti kada kilo.
Inlawlawag ti opisial nga uray addan ti maysa a lawas ti napalabas ket mabalin laeng a maaddaan ti adjustments dagiti sumagmamano a paggatangan.
Maipalagip nga inpatungpal ti Maximum Suggested Retail Price kalpasan ti agtultuloy a panagngato ti presio ti karne ti baboy iti pagilian.
