LAOAG CITY – Nagpanawagan ni Agricultural Secretary Francisco Tiu Laurel a nasken a kissayan ti Japan ti taripa nga ipatpataw kadagiti saba nga aggapu ditoy Pilipinas.
Maysa ti Japan nga addaan ti dakkel a market iti pagilian ngem dakkel latta ti maipatpataw a taripa a dumanon daytoy iti 18 a porsiento.
Nailanad iti nasao a Japan-Philippines Economic Partnership Agreement (JPEPA) a nasken nga agingga iti 8 a porsiento laeng ti nasao a taripa.
Inlawlawag pay ti opisial a ti panagkissay ti taripa ket makatulong iti nadakdakkel nga investment kadagiti pangaramidan ti saba iti pagilian.
Mangnamnama ti opisial a denggen ti Japan ti kiddaw ti opisinana para iti pannakaipababa ti taripa.
