LAOAG CITY – Saan a makipartisipar ni dati a President Rodrigo Duterte babaen iti video conference iti maisayangkat a confirmation of charges hearing a mangrugi intono Pebrero 23, 2026.
Daytoy ti inbatad ti defense counsel ti dati a presidente a ni Nicholas Kaufman.
Basar iti International Criminal Court website, ti confirmation of charges ket maiyuswat mangrugi iti oras ti alas-10 ti bigat agingga iti alas-tres ti malem iti The Hague local time idinto nga alas-singko ti malem agingga iti alas-diyes ti rabii, oras ditoy Pilipinas iti Pre-Trial Chamber I iti Courtroom I.
Maisayangkat met ti subsequent hearings intono Pebrero 24 (Tuesday), 26 (Thursday), ken 27 (Friday) no sadinno a ti Trosecution, defence, ken dagiti abogado dagiti biktima ket ilawlawag da ti argument da kadagiti judges.
Inlawlawag ni Kaufmann a saan a makipartisipar ti dati a presidente iti confirmation hearing babaen ti video-conferencing ngem saannan a sinungbatan ti saludsud no personal a mapan agatendar ni Duterte.
