LAOAG CITY – Inlawlawag ni dati a Presidential Spokesperson Harry Roque nga awan pay ti naaw-awatna a Warrant of Arrest manipud iti kongreso.
Iti online account-na, sipod idi rabii ti Biernes agingga iti bigat ti Sabado ket awan pay ti naawat iti opisinana a warrant of arrest.
Maisupadi daytoy iti nagbalin a rakurak ni House Secretary General Reginald Velasco a maipagarup a saan nga inawat ti staff ni Roque ti arrest order.
Immuna iti daytoy, kuna ni Velasco nga inserbi ti House sergeant at arms ti arrest order iti law office ni Roque iti Makati City ngem saanda nga inawat daytoy.
Nakasagana met ti National Capital Region Police Office para iti pannakaipatungpal ti warrant.
Maipalagip nga im-imbestigaran ti Kamara ni Roque gapu iti maipagarup nga adda ti pakainaiganna iti operasion ti Philippine Offshore Gaming Operator iti pagilian.
